Hyfforddiant a Phrosiectau
Prosiectau â ariennir
Gwnaed y prosiectau canlynol yn bosib drwy nawdd Cyngor Celfyddydau Cymru. Diolch!
![](https://cimera.co.uk/wp-content/uploads/2021/06/ACW-logo-RGB-landscape-768x175.png)
Lleu – Goleuo Gwynedd
Wedi ei arianu gan Gyngor Celfyddydau Cymru, bydd y prosiect yn rhedeg o Haf 2021 hyd Wanwyn 2023
I gymryd rhan, cysylltwch â ni am fwy o wybodaeth.
![Outdoor aerial rig with hoop and trapeze](https://cimera.co.uk/wp-content/uploads/2020/09/aerial-hoop1-e1623783732949.jpg)
Partneriaeth Lleu yw:
Maggie Doherty - Bangor Arts Initiative; Menna Thomas – CARN; Joy Brown - Yr Heliwr, Nefyn; Cimera; Colin Diamond – Bloco Swn, Capoeira Mocambo; Rhys Mwyn; Rachel Rosen; Zoe Munn
![Ribbons workshop in Carmel](https://cimera.co.uk/wp-content/uploads/2021/01/cropped-ribbanau-carmel1.jpg)
Prosiect awyr agored yw Lleu gaiff ei gyd-greu drwy broses gyfranogol gyda chymunedau’r Fenai, Bae Caernarfon a Phen Llŷn. Wedi ei wreiddio yn yr ardaloedd a’i dyfu drwy archwylio hunaniaeth gymunedol a phrofiadau unigol fydd yn adlewyrchu amrywiaeth y boblogaeth sy’n byw a gweithio yn y rhanbarth.
![](https://cimera.co.uk/wp-content/uploads/2021/04/Mi-Glywais-I-Wylan-edited-800x820-1-e1623792490666.jpg)
Arwyr ydy ein man dechrau, pwy ydyn nhw, a sut mae eu storiau wedi dylanwadu ar ein bywydau. Caiff Lleu ei arwain gan gorff o artistiaid lleol fydd yn rhannu adnoddau a phrofiadau i greu cyfleon i oleuo Gwynedd.
![](https://cimera.co.uk/wp-content/uploads/2021/04/cropped-Tumble-track-ymuno-1464x1700-1.jpg)
Drudwen
Drwy syrcas, theatr gorfforol a cherddoriaeth, cyflwynir stori Drudwen y ddewines a’r efeilliaid mae hi’n canfod yn y goedwig. Nid yw popeth fel yr ymddengus...
![](https://cimera.co.uk/wp-content/uploads/2021/06/cropped-Opps-egg-2140-x-1585.jpg)
Stori dylwyth têg fodern a thywyll yw Drudwen, stori hydolus am drawsffurfio, dewis a chanlyniad. Wedi ei hysgrifennu gan Kate Jones, mae’n ymblethu elfenau awyrol syfrdanol, comedi gorfforol doniol a cherddoriaeth fyw swynol, gyda sgript Gymraeg a Saesneg. Mae Drudwen yn llawn digwydd cyffrous sy’n wledd i’r synhwyrau.
![](https://cimera.co.uk/wp-content/uploads/2020/10/StarlingsMJR_cimera-tues_0268-web-scaled-2-e1623792689560.jpg)
Cyfarwyddwyd gan Gwen Scott. Cyd-gyfarwyddwr, Siwan Llynor. Perfformiwyd gan Iago Morgan Jones, Lauren Bracken, Claire Crook, Sian Owens. Cerddor/Cyfansoddwr, Dan Lawrence.
![](https://cimera.co.uk/wp-content/uploads/2021/06/cropped-Duchess-of-Mogwee-2000-X-1820.jpg)
Cynhyrchwyd Drudwen mewn partneriaeth gyda Pontio, a thrwy gefnogaeth Theatr Genedlaethol Cymru a Chyngor Celfyddydau Cymru.
Teithiwyd yn 2019 i – Pontio - Bangor, Y Ffwrnes - Llanelli, Riverfront - Casnewydd, Canolfan Mileniwm Cymru - Caerdydd, Venue Cymru - Llandudno, Canolfan Gelf Aberystwyth.
![Drudwen set](https://cimera.co.uk/wp-content/uploads/2020/09/cropped-Dewch-ar-daithMJR_cimera-tues_0184-web-2.jpg)
![Twins, Drudwen](https://cimera.co.uk/wp-content/uploads/2021/01/cropped-Twins-MJR_cimera-tues_0341-web-3.jpg)
Prosiectau eraill
Anno’s Africa
Ers 2017 rydym wedi bod mewn partneriaeth gydag elusen Celf Addysgiadol Anno’s Affrica yn datblygu eu prosiectau yn Mzuzu, Malawi a Nairobi, Kenya. Mae aelodau cwmni Cimera wedi bod i Mzuzu ddwywaith yn cydweithio gydag artistiaid o Malawi ac ysgolion yn hyfforddi a helpu datblygu ‘Anno’s Circus Malawi’.
![Stork stilt walking costume Malawi](https://cimera.co.uk/wp-content/uploads/2021/01/cropped-stork-malawi.jpg)
![Girls in Malawi](https://cimera.co.uk/wp-content/uploads/2021/01/cropped-girls-malawi.jpg)
![](https://cimera.co.uk/wp-content/uploads/2021/03/cropped-silks2-malawi-cropped-1484x1348-1.jpg)
Rydym yn cynnig cyfleoedd i artistiaid syrcas ddod ynghyd i weithio, hyfforddi a chreu gwaith newydd gyda’i gilydd. Cyfleoedd i bobl ifanc ac artistiaid newydd i ddarganfod a datblygu sgiliau newydd drwy weithio gydag ymarferwyr proffesiynol. Cyfleoedd hefyd i wirfoddolwyr ennill profiad a chyfrannu i’w cymunedau.
Rydym yn credu mewn dysgu drwy helpu ein gilydd, annog hunan gyfrifoldeb a pharch.
Rydym yn cynnal hyfforddiant sgiliau syrcas cyson ar gyfer oedolion a Syrcas Ieuenctid yn Neuadd y Farchnad, Caernarfon.
Ewch i Ein Gwasanaethau am fwy o wybodaeth.
![Girl on trapeze](https://cimera.co.uk/wp-content/uploads/2021/01/cropped-cropped-cropped-molly-trapeze-1-scaled-1.jpg)
![Lauren and Iago doing acro balance](https://cimera.co.uk/wp-content/uploads/2021/03/cropped-Iago-Lauren-acro-cropped-543x563-1-e1623793062311.jpg)
![Gweithdu Acrobalance](https://cimera.co.uk/wp-content/uploads/2021/01/cropped-meg-iag1-e1623792796581.jpg)
![Hyfforddiant hoop](https://cimera.co.uk/wp-content/uploads/2021/01/cropped-hoop-training-2-e1623792936214.jpg)